Transcription
1
Monsieur, je receu yer au soir ung pacquet de Monsieur
2
le president Believre que je vous envoye par le secretaire de
3
ceste ville. Le porteur qui me la baillé dit quil est demeuré
4
huict jours malade en Avignon. Je receu yer une lettre de
5
monsieur de St Homer qui commande au Pousin, le quel
6
me mande que environ trois cens de la religion novelle
7
se seont venuz parquez à Beauchastel qui est entre La Voulte
8
et Charmes et ne panse ledit sieur de St Homer que ce n’est pour
9
empecher la descente de lartillerye quon faict descendre de
10
Lyon. Comme la descente se fera nous le favoriserons de tout
11
ce que nous pourrons. Perrionis de Loriot me vint trouver
12
il y a troys ou quatre jours pour me pryer de permettre
13
aux catholicques dudit Loriot de prandre les armes le soir
14
pour leurs gardes ; et pource quil y a des nouveaux catholisés,
15
je ne nay leurs ay voullu permettre que premier je ne vous
16
en eusse advertir. Ledit Perronis sen va à Grenoble quil vous
17
fera plus amplement entendre du tout. Jay receu le pacquet
18
que vous envoyez à Monsieur le mareschal Dampville entre sept
19
et huict lequel je faict despecher incontinant par le
20
chevaucheur de ceste ville. Ne saichant aultre chose pour lheure
21
presente je finyray ceste par vous presenter me[s] très humbles
22
et affectionnées recommandations à votre bonne grace. Priant
23
Dieu,
24
monsieur, vous donner et perfaicte santé très heureuse et
25
longue vye. De Valence ce VIIIe jour de janvier 1573.
26
Voutre très humble et aubeyssant servyteur
27
La Thivolliere